Amba Ashtakam 

Adorned with Crescent Moon art Thou
Known as Parvati, Kali and Haimavati
Bestower of wealth divine 
Thou rulest all as Mother Amba !

AmbA shAmbhavi candramaulirabalA.aparNA umA pArvatI
kAlI haimavatI shivA trinayanI kAtyAyanI bhairavI |
sAvitrI navayauvanA shubhakarI sAmrAjyalakShmIpradA
cidrUpI paradevatA bhagavatI shrIrAjarAjeshvarI || 1 || 

AmbA mohini devatA tribhuvanI AnandasandAyinI
vANI pallavapANiveNumuralIgAnapriyA lolinI |
kalyANI uDurAjabimbavadanA dhUmrAkShasaMhAriNI
cidrUpI paradevatA bhagavatI shrIrAjarAjeshvarI || 2 || 

ambA nUpuraratnakaN^kaNadharI keyUrahArAvalI
jAtIcampakavaijayantilaharI graiveyakairAjitA |
vINAveNuvinodamaNDitakarA vIrAsane saMsthitA
cidrUpI paradevatA bhagavatI shrIrAjarAjeshvarI || 3 || 

ambA raudriNi bhadrakAli bagalA jvAlAmukhI vaiShNavI
brahmANI tripurAntakI suranutA dedIpyamAnojvalA |
cAmuNDA shritarakShapoShajananI dAkShAyaNI vallavI
cidrUpI paradevatA bhagavatI shrIrAjarAjeshvarI || 4 || 

ambA shUladhanuH kashAN^kushadharI ardhendubimbAdharI
vArAhI madhukaiTabhaprashamanI vANIramAsevitA |
malladyAsuramUkadaityamathanI mAheshvarI cAmbikA
cidrUpI paradevatA bhagavatI shrIrAjarAjeshvarI || 5 || 

ambA s.rShTavinAshapAlanakarI AryA visaMshobhitA gAyatrI
praNavAkSharAm.rtarasaH pUrNAnusandhI k.rtA|
oMkArI vinatAsutArcitapadA uddaNDadaityApahA
cidrUpI paradevatA bhagavatI shrIrAjarAjeshvarI || 6 || 

ambA shAshvata AgamAdivinutA AryA mahAdevatA
yA brahmAdipipIlikAntajananI yA vai jaganmohinI |
yA pa~ncapraNavAdirephajananI yA citkalA mAlinI
cidrUpI paradevatA bhagavatI shrIrAjarAjeshvarI || 7 || 

ambApAlitabhaktarAjadanishaM ambAShTakaM yaH paThet
ambAlolakaTAkShavIkShalalitaM caishvaryamavyAhatam |
ambA pAvanamantrarAjapaThanAdante ca mokShapradA
cidrUpI paradevatA bhagavatI shrIrAjarAjeshvarI || 8 || 

|| iti shrIrAjarAjeshvaryaShTakaM saMpUrNam ||